Жаргалан

Жаргалан жаргалан жаргалан

Энэ ертөнцийн түмэн жаргалан

Түүний доторх чухам жаргалан

Эрүүл энхийн нэгэн жаргалан

                                                Д. Нацагдорж

Гучин нас гараад ирэхээр эрүүл мэнддээ анхаарч, 

амьдралын зөв хэв маягийг хэвшүүлж сурах нь 

чухал юм байналээ шүү..

Тамхи татдаг нь тамхиа хаях ч юмуу..

Архи, дарсаа болиод ус, сүү уух ч юмуу..

Уур хилэнгээ инээд, хайраар солих..

Бүр цаашлаад мах идэхээ больсон ч яахав дээ..

Энэ нь эрүүл саруул, амар амгалан, аз жаргалтай амьдралын эхлэл..

Өнгөрсөн сард бие даан нэг өдрийн хуурай мацаг /усгүй мацаг/ барилаа.

(гэхдээ урд нь Ананда Марга йогийн багшийн заавраар 2-3 удаа хийж байсан..)

Бие махбодид 3-4 жил хуримтлагдсан илүүдэл өөх,

эсэн шидийн нян, бактери, хор, хаягдлуудыг зайлуулж цэвэрлэсэн..

 Тэгээд ийм цэвэрхэн болж байгаа бие, ходоод руугаа эсэн шидийн

  шарсан, хуурсан хоол, амттан оруулмааргүй гамнаад, хайрлаад эхэлдэг.

Замбараагүй хооллохоо болино.

Хөнгөн шингэн болно.

Арьс толигор болж гэрэлтэнэ.

Гол нь бие маань эрүүлжинэ 

гээд мааш олон талтай.

Хэдэн жилийн өмнө хонгорхон найзынхаа бэлэглэсэн номыг 

уншингаа, мацаг барихын чухал ач холбогдлыг ухаарлаа. 

Найздаа баярласан шүү..

           Мөн Ананда Марга йогийн Бодлын хоол номыг уншин, хэрхэн мацаг барих

            ба мацаг тайлах тухай мэдлэгээ сэргээж, амжилттай хэрэгжүүллээ.

 Хийсний маргааш нь л сайн үр дүнг нь мэдэрсэн болохоор боломжоороо 

мацаг барьж бие махбодио цэвэрлэн, эрүүл явья, бүгдээрээ..