Та усанд орох дуртай юу?

Бид өдөр бүр шахуу биеэ угааж, ариун цэврийг сахидаг. Шүршүүр бол хамгийн хурдан, энгийн арга.Өглөө ороход нойр сэргэж, бие хөнгөрдөг бол орой ороход ядаргаа тайлагдаж, бие амардаг.


Харин бидний эмэгтэйчүүд цаг зав гарвал далайн давстай,хөөстэй, сүүтэй,содтой гээд олон төрлийн ваннанд орох дуртай. Арьсыг торго шиг зөөлөн болгохоос гадна над шиг шүлсээ залгиад таргалчих гээд байдаг хүнд усан дотор хөнгөхөн дасгал хийхэд жин хасагдсан байдаг.Дараа нь шүршүүрт орохдоо бүлээнээс хүйтэн рүү аажмаар дасгаж орвол биеийг чийрэгжүүлж, зүрх судасны ажиллагааг дэмждэг. Дээрээс нь бас л жин хасагдаж бүх эд эсийг сэргээдэг.Ингээд уснаас цэвэрхэн болоод гараад ирэхэд нэг л юм дутуу.


Сэтгэл маань бас цэвэрлэгдэхийг хүсдэг. Хэрэгтэй хэрэггүй, эсэн шидийн бодлуудад дарагдаад бүүр бохирдчихсон. Тэрнээсээ болоод аз жаргал, амар амгалан, инээд хөөрийг мартах шахдаг. Тиймээс усанд орсон даруй нам гүм, цэвэрхэн орчинд өөртөө эвтэйхнээр завилж суугаад хэдэн хором юу ч бодолгүй амьсгалаа орж гарч байгаагаа ажиглан сэтгэлээ цэвэрлээд үзээрэй.

Өчүүхэн дуулал

Сэмжин цагаан үүл арилаахаасаа урьд
Сэрүүн зөөлөн хураа оруулбал сайнсан
Идэр залуу цогоо буурахаасаа урьд
Их тустай хэргээ бүтээвэл сайнсан

Галуу шувуу өвөл болохоос урьд
Газрын дулааныг шилж олбол сайнсан
Номч мэргэд үхэл ирэхээс урьтаж
Нот үнэнийг олж авбал сайнсан

Хайртай янаг амрагаасаа салахын урьд
Халамжит зүрхний үгийг авбал сайнсан
Багш шавь хоёр холдохоосоо урьд
Бясалгал хийж бүтээвэл сайнсан

Тансаг цэцгийг хуучрахаас нь урьд
Тахил болгон өргөвөл сайнсан
Эрхтэний чадлыг доройтохоос нь урьд
Эрдмийн шимийг хүртвэл сайнсан

Данзанравжаагийн шүлэг

Николай Стариков - Шерше ля нефть

Хар алтны төлөөх томоохон гүрнүүдийн улс төрийн бодлого, хоорондын тэмцлийг Оросын сэтгүүлч өөрийнхөө өнцгөөс харж, Оросын ард түмэнд зориулж энгийн үгээр бичсэн ном.
Газрын тос болон бензин, түлшний үнэ хэлбэлзэхэд хэнд ашигтай байдаг талаарх бодлоо дэлгэрэнгүй тайлбарлажээ.

Сэтгүүлчийн блог болон бичсэн номуудыг эндээс харж болно.
http://nstarikov.ru/category/books

5. Хүүхдээ хүндэлье

Зарим эцэг эхчүүд үр хүүхэддээ анхаарал хандуулж байна гээд бүх зүйлийг нь зааж сургаж, өмнөөс нь шийдвэр гарган бие даах чадваргүй болгодог талтай. Хүүхдэд өөрийнх нь эрх чөлөөг олгож мэдрүүлснээр өөрт тохирох сонголт шийдвэрийг гаргаж сурна. Харин хүүхдээ нүхэнд унагахгүйн тулд бид анхааралтай ажиглах хэрэгтэй.Амьдралд хэрэгцээгүй зүйлийн талаар хүүхэдтэйгээ хуваалцахгүй байхыг хичээгээрэй. Ингэснээр аль аль талдаа итгэл, хүндэтгэлийг бий болгоно. Ихэнх эцэг эхчүүдийн алдаа бол бүгдийг мэддэг юм шиг дүр эсгэж, үгэндээ оруулах гэж загнан, өөрсдийгөө хүндлүүлэхийг хүсдэг ч бүх зүйл 2 талаасаа байдгийг мартдаг. Та хүүхдээ хүндэлвэл тэр таныг хүндэлнэ. Та хүүхэддээ итгэвэл хүүхэд тань танд итгэнэ.
Ошо багшийн сургаалиас

Монголын түүх

Миний хамгийн дургүй хичээл түүх, газарзүй байсан. Сонирхдоггүй байсан болоод л тэр байх. Эсвэл уншаад ч ойлгодоггүй байсан юмуу. Бага байхдаа томчуудын л сэдэв гэж бодож байлаа. Одоо унших сонирхол төрснийг бодвол би том болсон юм шиг байна. Гэтэл өчигдөр бариад уншсан чинь охин маань хамт уншья гэнэ. Гайхлаашд?? Хамт уншихаас..



Энэ номонд тэр үеийн газрын зурагнуудыг оруулаад, бас өнгөт зураг нэмж хийвэл илүү сонирхолтой болох байх гэж төсөөллөө. Унших явцад Google image-дэж сууна.

Киви

Оройн хоолонд жимс.. Жимсэнд тийм ч дуртай биш. Гэхдээ эрүүл мэндээ бодоод идэх гэж хичээж байна.


-бусад жимсийг бодвол илүү витамин, эрдэс агуулсан
-хүнд шаардагдах өдрийн витамины нормыг хангахуйц, ялангуяа С витамин ихтэй
-цусан дах илүүдэл холестериныг зайлуулж, таргалалтаас сэргийлнэ
-гэдэс дүүрэх, ходоод халуу оргихоос хамгаалж хоол боловсруулалтыг идэвхжүүлнэ
-зүрх, судасны үйл ажиллагааг дэмжиж өгдөг
-хэт их идвэл зарим хүнд, ялангуяа хүүхдүүдэд аллерги үүсгэх магадлалтай
-сахарын агууламж багатай тул чихрийн шижинтэй хүмүүст тохиромжтой
-шүүсийг нь шахаад өдөр бүр 1 аягыг 1 сар уухад биеийн эсэргүүцлийг сайжруулна, ханиадыг эдгээнэ.